UWant 足球賽事
星期六, 9月 12th, 20098月聯賽又一場 1:0 小勝，唔覺唔覺個第三位都穩固左少少。
9月有兩場杯賽 + 一場聯賽，杯賽一早當練波。聯賽就更加緊要了，因為係對第4果隊，如果贏左，個第三就幾穩陣(如果第二果隊奇蹟地係咁失分，數字上仲有望追上)
Archive for the ‘足球’ Category
UP - 回復狀態
星期六, 8月 1st, 2009近來球隊狀態甚佳，連續三場不敗，UP中前列的位置稍為穩固了
10/7 Buddy United 1:1 Teamwork (本人缺席)
30/7 Buddy United 1:0 KOP
暫時以 5勝2和3負得17分排第3。排頭兩名的隊伍較為突出，係多踢一場而少6-7分既情形下，不預算能進佔前兩名。不過現在目標鮮明，保住第三。
UP - 久違了的贏波
星期三, 7月 8th, 2009Buddy United 1:0(1:0) FCMTW (今場做左觀眾)
(竟然排緊第三)
U-Cup 兩場
星期一, 6月 1st, 2009diu, 一場 0:3 一場 0:5
我踢到冇晒心機啦，乜撚都關後衛事既。中堅打快攻由最後跑到最前，走撚空晒黎睇住d隊友唔撚傳波，仲要扭失埋俾人打快攻，又要跑9咁跑返去守。
幫手攻又冇用，後面又會失位；唔攻又話後防唔撚郁。咁不如搵場倒撚轉黎踢呀！！
UP 結果*2
星期三, 5月 6th, 20090:2(0:0) 新翔宏
2:1(1:0) WTS
現時6場10分排第五，不過不失啦，如果可以贏多幾場就追近同上面既距離(暫時比失分最少果隊失多5分，6場入8球失8球，4場2:1/1:2，1場1:1，一場0:2，只有一場冇入波，但係…冇一場冇失波，呢個要認真諗計)
UP - vs GPA
星期六, 3月 14th, 2009比數 1:2(0:2)
入球球員：細佬
風作怪 ~_~，再加上發揮唔好，造成 Buddy United 本賽季第一次輸波。(好凍，由於戰況關係，被迫坐全場冷板)
上半場對方角球直接吹入，加上一球有意無意間的罰球門前加一腳，造成兩球失球。我地一球9碼唔入，4次中柱中眉，加上對方門將演出不錯，結果最後飲恨而回。
進攻上的發揮始終都有老毛病，就係太少人，支援不足，亦令到隊內攻擊球員習慣性地「獨闖龍潭」。防守由前鋒開始；同樣地，進攻也可以由後防開始，以後要學習及習慣指揮中後場一齊將戰線壓前。另外如果 keeper 可以大膽d出聲指揮後防線就更加好了。
UP - vs 藍青
星期二, 3月 10th, 2009比數 1:1(0:0)
入球球員：小咀
完場前5分鐘左右的失誤，導致球隊被追和 
(本來知道附近冇人想控定，但係又想大腳解圍，結果搞到滑一滑，俾人個無咩力既傳中波傳到俾中間既員射入)。不過呢場波冇早失波算係好運，己隊唔少次自己0係中場斷纜俾人突擊，中後場既呼應亦不足。不過亦有踢得好既地方，今場運用中場造波既效果好左，亦都因為場地多空位，成功做到組織而黎既攻勢。
暫時 3戰2勝1和，排榜首(至2009-3-10)
UP - vs KOP
星期四, 2月 19th, 2009比數 2:1(1:0)
入球球員：謙仔，細佬
因為好耐冇踢一場咁耐既比賽，臨尾抽筋了。幸好力保勝果，又暫時登上榜首。
buddy united - U-PremierLeague 開鑼戰
星期四, 2月 5th, 2009UWant U-PremierLeague 開幕戰，對手係上次踢傷我果隊 FCMTW。結果順利勝出，暫列榜首。
比數 2:1(1:1)
入球球員：小咀，阿佳
個人賽後感：大部份隊員都係習慣 3-2-1 的陣式，今場踢 2-3-1 可能會冇咁好，中後場呼應不足，令上半場有較多險象。隊員間默契有待加強，呢隊對手絕對唔強，我隊下半場處於大好形式下只能小勝一球，表現算係水準之下。隊員間走動呼應依舊不足。
